सुदूरपश्चिम प्रदेश सभाको सातौँ अधिवेशनको बैठक स्थगित भएको छ । आज आह्वान गरिएको बैठक स्थगित भएको हो । बैठक स्थगित भएको भन्दै प्रदेश सभामा सूचना टाँस गरिएको छ ।
सो सूचनामा विशेष कारणले बैठक स्थगित गरिएको उल्लेख गरिएको छ । यसअघि सोमबार आह्वान गरिएको बैठक पनि सुरु नहुँदै सूचना टाँस गरी स्थगित भएको थियो । प्रदेश सभाको अर्को बैठक भोलि दिउँसो १ बजे आह्वान गरिएको छ।
प्रदेश सभाको विषयगत समितिमा प्रदेश अनुसन्धान तथा प्रशिक्षण प्रतिष्ठान सम्बन्धमा व्यवस्था गर्न बनेको विधेयक दफाबार छलफल सकिएर आज सभामा पेश गरिने कार्यक्रम रहेको सभामुख अर्जुनबहादुर थापाले बताउनुभयो ।
सातौँ अधिवेशनको पाँचौ बैठकसम्म आइपुग्दा सभाबाट एक अध्यादेश र एक ऐन पारित भइसकेको छ भने विजनेश नहुँदा दुई पटक बैठक स्थगित गरिएको छ ।