फिल्म ‘गोर्खा वारियर–२’ निर्माण घोषणा भएको छ । राजधानीमा आयोजित एक कार्यक्रमकाबीच फिल्म निर्माण घोषणा गरिएको हो ।
साहसिक गोर्खा सैनिक प्रति बिगुल फुकेर सम्मान गर्दै फिल्म घोषणा गरिएको कार्यक्रममा फिल्मको छायाँकन २७ फागुनबाट हुने बताइएको छ ।
फिल्म मिलन चाम्सले निर्माण निर्देशन गर्न लागेका हुन् ।
चाम्सले यस अगाडि घोषणा गरेको फिल्म ‘गोर्खा वारियर’ अहिले पनि निर्माण भएको छैन । तर उनले त्यसको सिक्वेलको रुपमा ‘गोर्खा वारियर २’ निर्माण गर्न लागेका हुन् । गोर्खा वारियरको छायाँकन गर्न केही ढिला हुने भएकाले यो फिल्म पछि मात्र ‘गोर्खा वारियर’ बनाउने कार्यक्रममा चाम्सले बताएका छन् ।
गोर्खा सैनिकका नभनिएका हजारौं कथा मध्य एक कथालाई फिल्मको बिषयबस्तु बनाइएकाकार्यक्रममा घोषणा समेत गरिएको छ ।
नेपाल सहित मलेशिया र बेलायतमा खिचिने फिल्ममा रेविका गुरुङ, बिजय लामा, रियर राई, भुवन सिंह राई, शिषिर वाङदेल, बुद्दी तामाङ, कविता आले, बिरुप घले, सारा राई, मनोज केसीलगायतको अभिनय रहनेछ ।
फिल्मबाट रितेस चाम्स नायकको रुपमा देखिदैछन् ।
२०२२ को सुरुमा विश्वव्यापी रिलिज गरिने भनिएको फिल्ममा शैलेन्द्र खनाल ‘सरद’को गीत, एलिस कार्कीको संगीत, अर्जुन बिसीको सम्पादन, सुदिप बरालको छायाँकन र हिमाल केसीको द्वन्द्व रहनेछ ।
