भक्तपुर । भक्तपुर सूर्यविनायक नगरपालिका वडा नम्बर ४ स्थित शुभभावना बचत तथा ऋण सहकारी संस्थाले शनिवार सदस्य भेटघाट तथा बनभोज कार्यक्रम आयोजना गरेको छ ।
ललितपुरको लेले मनकामना मन्दिर क्षेत्रमा आयोजना गरिएको उक्त कार्यक्रममा संस्थाका १५० शेयर सदस्यहरुको सहभागिता रहेको थियो ।
शेयर सदस्यहरुबीच एक आपसमा भेटघाट र संस्थाका गतिविधिका बारेमा जानकारी समेत दिइएको उक्त कार्यक्रममा संस्थाका अध्यक्ष राजु लुवन्जार श्रेष्ठले सामूहिक हित र वित्तिय सहकार्यका लागि संस्थाले विभिन्न रचनात्मक कार्यक्रमहरु समेत आयोजना गर्दै आइरहेको बताए । उनले भने, ‘हामी सबै एकै परिवारका सदस्यहरु हौं । परिवारभित्रका हरेक गतिविधहरुका बारेमा सबै सदस्यहरुले बुझ्नुपर्छ । संस्थाका हरेक गतिविधिहरुमा सबैले उत्तिकै चासो र सरोकार पनि राख्नुपर्दछ ।’
उक्त कार्यक्रममा आयोजित खेल प्रतियोगिताहरु म्युजिकल चेयर बालबालिका अन्तर्गत रेमन कार्की, महिला तर्फ लक्ष्मी नेमाफुकी श्रेष्ठ, स्पुन रेसमा प्रथम अन्सिका श्रेष्ठ तथा द्वितीय अर्पिता लुवन्जार, बेलुन फुटाउनेमा मञ्जु खड्का, घैटो फुटाउने संगीता श्रेष्ठ तथा सविता श्रेष्ठ, कपल दौडमा विशाल लुवन्जार तथा सरु लुवन्जार, हट पटेटो वयस्कतर्फ रमिला नेमाफुकी, बालबालिका तर्फ मान्वी न्यौपाने तथा क्वाइन क्याचिङमा शान्ति नगरकोटी विजयी भएका थिए ।
खेल प्रतियोगितामा विजेताहरुलाई संस्थाका अध्यक्ष राजु लुवन्जार श्रेष्ठले नगद पुरस्कार समेत प्रदान गरे ।
हाल संस्था ११ सय शेयर सदस्यहरु रहेका छन् ।
