धनगढी । सुदूरपश्चिममा प्रदेशमा दुई तिहाई बहुमतको समर्थनमा सरकार बनेको छ। मुख्यमन्त्री कमलबहादुर शाहले दुई तिहाई मतका साथ विश्वासको मत प्राप्त गरेका हुन्। आज विश्वासको मत लिएका मुख्यमन्त्री शाहलाई नेकपा माओबादी केन्द्र, नागरिक उन्मुक्ति पार्टी र नेकपा एकीकृत समाजबादीले विश्वासको मत दिएका छन्।
दिउँसो १ बजेदेखि सुरु भएको प्रदेश सभा बैठकमा तीनवटै दलका नेताहरुले मुख्यमन्त्री शाहलाई विश्वासको मत दिएका हुन्। ५३ सदस्यीय प्रदेशसभामा नेपाली कांग्रेसका १९, माओवादी केन्द्रका सभामुखबाहेक १०, नागरिक उन्मुक्तिका ७, नेकपा एसका ४ र स्वतन्त्र १ जना छन्। यसरी मुख्यमन्त्रीको पक्षमा ४१ मत प्राप्त भएको छ।
मुख्यमन्त्री शाहलाई मत नदिने निर्णय गरेका नेकपा एमाले र राप्रपा प्रतिपक्षमा छन्। प्रदेश सभामा एमालेका उपसभामुखसहित १० सांसद छन्। मुख्यमन्त्री कमल बहादुर शाहले विश्वासको मत पाएका छन्। आइतबार प्रदेश सभा बैठकबाट शाहले विश्वासको मत पाएका हुन। सभामुख भीमबहादुर भण्डारीले मुख्यमन्त्री शाहले विश्वासको मत पाएको घोषणा गरे। शाहको पक्षमा ४१ प्रदेश सांसदले मतदान गरेका छन्। विपक्षमा ११ सांसदले मत खसाले।
विश्वासको मत विभाजनमा ५२ प्रदेश साँसद उपस्थित थिए। शाहले दुई तिहाइ भन्दा बढि मत पाएका हुन। सुदूरपश्चिमको हकमा यो ऐतिहासिक मत हो। यसअघि पहिलो कार्यकालका मुख्यमन्त्री त्रिलोचन भट्टलाई तत्कालीन नेकपाको ३७ सांसदको समर्थन थियो।
कांग्रेस नेतृत्वको सरकारलाई माओवादी, नागरिक उन्मुक्ति, नेकपा एकीकृत समाजवादी र स्वतन्त्र सांसदले विश्वासको मत दिएका छन्।
नेकपा एमाले र राप्रपाले शाहलाई विश्वासको मत दिएन। संविधाको धारा १६८ को उपधारा ३ बमोजिम २६ माघमा संसदको सबैभन्दा ठूलो दलको संसदीय दलको नेताको हैसियतमा शाह मुख्यमन्त्री नियुक्त भएका थिए। यो संगै कांग्रेस नेतृत्वको सुदूरपश्चिम प्रदेश सरकार जोगिएको छ। यसअघि २७ पुसमा मुख्यमन्त्री नियुक्त एमालेका राजेन्द्र सिंह रावल समर्थन गरेको नागरिक उन्मुक्तिले विश्वासको मत नदिँदा २९ दिनमै पदमुक्त भएका थिए।
