जिल्ला प्रशासन कार्यालय बाराले भोलि बिहान ५ बजेदेखि जिल्लामा पूर्ण रुपमा अनिश्चितकालीन निषेधाज्ञा जारी गर्ने भएको छ । प्रशासनले विज्ञप्ति निकाल्दै भोलीदेखि चारपाग्रे र मोटरसाइकल पूर्णरुपमा सञ्चालनमा बन्देज लगाउँदै कडा रुपमा निषेधाज्ञा पालाना गराउन सरोकारवालाहरुलाई निर्देशन दिएको हो ।
संकट व्यवस्थापन केन्द्र बाराको हिजो बसेको बैठकले पर्सामा तीव्र गतिमा फैलिरहेको कोरोना संक्रमणलाई मध्यनजर गर्दै बारा जिल्लाका बासिन्दाको जीवन रक्षाको लागि आवश्यक सेवा बाहेकका काम तथा जथाभावी भिडभाड, धार्मिक, सांस्कृतिकमा रोक लगाइएको हो।
प्रशासनले आवश्यक सेवामा विद्युत, खद्यान्न, खानेपानी, दूध, ग्यास, औषधी, एम्बुलेन्स र स्वास्थ्य क्षेत्रका मासिनहरुलाई मात्र राजमार्गमा आवतजावत गर्न दिएको जनाएको छ । बाराका बढी भिडभाड हुने बजारमा कलैया, सिम्रौनगढ, कोल्हबी, निजगढ, पथलैया, सिमरा, जितपुर, परवानीपुर, प्रसौनी लगायतका ठाउँमा पसल खोल्न निषेध गरेको छ ।