काठमाडौं । त्रिकोणात्मक टी–ट्वान्टी अन्तर्राष्ट्रिय सिरिजमा मलेसियाले नेपाललाई ११५ रनको लक्ष्य दिएको छ । बुधबार (आज) त्रिवि क्रिकेट मैदानमा टस जितेर पहिले ब्याटिङ गरेको मलेसियाले निर्धारित २० ओभरमा ८ विकेट गुमाउँदै ११४ रन बनायो ।
मलेसियाका लागि विजय युनी ३ रन बनाएर रन आउट भए । यसअघि मलेसियाले पहिलो ओभरको पहिलो बलमा आफ्नो पहिलो विकेट गुमायो ।
नेपालका करण केसीले भिरनदीप सिंहलाई बोल्ड आउट गराए । मलेसियाले सातौं ओभरको पाँचौं बलमा आफ्नो दोस्रो विकेट गुमायो मलेसियाका जुबदी जुल्किलेलाई कुशल मल्लले ३२ रनमा बोल्ड आउट गराए ।
१२ औं ओभरको पाँचौं बलमा मलेसियाले आफ्नो तेस्रो विकेट गुमायो । मलेसियाका सायद अजिजलाई दिपेन्द्र सिंह ऐरीले क्याच आउट गराए ।
सन्दीपले नेपालका लागि सन्दीप लामिछानेले चौथो सफलता दिलाए । सन्दीपले १३ औं ओभरको दोस्रो बलमा अहेमद फिजालाई २४ रनमा क्याच आउट गराए ।
सन्दीपले नै १७ औं ओभरको पहिलो बलमा सुरभिन मुनिन्देलाई ९ रनमा क्याच आउट गराए । १८ औं ओभरको अन्तिम बलमा मलेसियाले आफ्नो छैटौं विकेट गुमायो ।
मलेसियाका मोहमद अमिरलाई अविनास बोहोराले एलबीडब्लु आउट गराए । १९ औं ओभरको चौथो बलमा मलेसियाले आफ्नो सातौं विकेट गुमायो ।
मलेसियाका अमर जुहदी हाजलानलाई करण केसीले खाता नखोल्दै क्याच आउट गराए । पहिलो खेलमा सहज जित निकालेको नेपाल आजको खेलमा जित निकाल्दै प्रतियोगितामा आफूलाई बलियो बनाउने योजनामा छ ।
यता पहिलो खेलमा पीएनजीमाथि सहज जित निकालेको मलेसिया नेपाललाई हराउँदै फाइनलका लागि आफूलाई दाबेदारी प्रस्तुत गर्ने योजनामा छ । नेपाल र मलेसिया बीचको इतिहास हेर्दा नेपाल बलियो छ ।
पछिल्ला चार खेलको नतिजा हेर्दा नेपाल मलेसियामाथि हाबी छ ।
