काठमाडौं । युवा पुस्तामा लोकप्रिय गायक ध्रुव विस्कोको नयाँ गीत सार्वजनिक भएको छ । ‘पियारी’ बोलको यस गीत केहि समय अघि मात्र बजारमा सार्वजनिक गरिएको हो ।
बजारमा थुप्रै हिट गित दिन सफल गायक विस्कोको यस गीतले पनि दर्शक श्रोताको मन जित्ने अपेक्षा गरिएको छ ।नेपाली समाजको वास्तविकतालाई प्रस्तुत गरिएको गीतको भिडियोले जो कोहीको पनि ध्यान केन्द्रित गर्दछ ।
नेपालमा बेरोजगारको समस्याको कारणले बाध्यताले परदेशिनुको पिडालाई गीतमार्फत देखाउन खोजिएको छ ।गीतको भिडियोमा नायीका सुरवीना कार्कीले निकै अब्बल प्रस्तुती दिएकी छन् ।
नायीका कार्कीसँगै भिडियो रमेशचन्द शोडारीको पनि अभिनय देख्न सकिन्छ । उनीहरुको अभिनयले पनि गीतको भिडियोमा अझ श्रृङगार थप्ने काम गरेको छ ।
गायक विस्को पछिल्लो एक दशक यता सक्रिय एवं लोकप्रिय गायक हुन् । बजारमा आएका काग दाजै, टपरीमा भात, राइफलको सिरानी, व्युटि पार्लर,सिल्की कपाल लगायतका थुप्रै गितहरु उनका हिट नंम्बर मानिन्छन् ।
भर्खरै बजारमा आएको उनको पछिल्लो गित “पियारी” गायक बिस्कोले अपेक्षा गरेको गित समेत हो । गितमा लय,शव्द तथा स्वर गायक विस्कोकै रहेको छ ।
महिला आवाजमा उनलाई गायिका सहिमा श्रेष्ठले आफ्नो सुमधुर स्वर मार्फत साथ दिएकी छन् । ‘पियारी’ गीतको भिडियोलाई सविर श्रेष्ठले निर्देशन गरेका हुन् ।
ईश्वर सिन्केमनाको छायाँकन गरेको भिडियोलाई भुपेन्द्र अधिकारीले सम्पादन गरेका छन् । कलर रेनिश फागोको छ । गितलाई दिया प्रोडक्सन युट्युब च्यानल मार्फत हेर्न सकिन्छ ।
भिडियो हेर्नुहोस्
