काठमाडौं । नेकपा एमालेको जिल्ला अधिवेशनका लागि दार्चुलामा शनिबार ९ वटै स्थानीय तहबाट प्रतिनिधि चयन गरिएको छ । एमालेले शनिबार गाउँ-नगर पालिका कमिटीबाट प्रतिनिधि चयन गरेको एमाले दार्चुलाका प्रचार विभाग प्रमुख खडक सिंह बडालले जानकारी दिए ।
उनकाअनुसार नगर कमिटीबाट ४ जना पुरुष र २ महिला गरी ६ जना तथा गाउँपालिका कमिटीबाट ३ जना पुरुष र २ जना महिला गरी ५ जना प्रतिनिधि चयन गरिएको छ । जिल्लाका ६१ वटै वडाबाट सर्वसम्मत रुपमा पौष १५–१६ गते प्रतिनिधि छनोट गरेको थियो ।
मालिकार्जुन गाउँपालिका कमिटीबाट पुरुषतर्फ गणेशसिंह धामी, सुरेन्द्रसिंह धामी, पदमसिंह धामी महिलाबाट कमला टमटा र जानकी धामी चयन गरिएको छ । दुहुँ गाउँपालिका कमिटीबाट पुरुषतर्फ जंगबहादुर बम, जमनसिह बडाल, उत्तमबहादुर बम र महिलातर्फ भवानी लोथ्याल र पार्वती जोशी सर्वसम्मत चयन भएका छन् ।
लेकम गाउँपालिका कमिटिबाट ३ जना पुरुष र २ जना महिला प्रतिनिधि सर्वसम्मत चयन गरिएको एमाले आठौं जिल्ला अधिवेशन आयोजक कमिटी सदस्य परमानन्द जोशीले बताए । महाकाली नगर कमिटीबाट ४ जना पुरुष र २ जना महिला गरी ६ जना प्रतिनिधि सर्वसम्मत चयन गरिएको नेकपा एमाले महाकाली नगरकमिटी अध्यक्ष नरसिह चैसिरले जानकारी दिए ।
नगर कमिटीबाट दुर्गा धामी, मदनसिह ठगुन्ना, खडकसिंह महर,रतनसिह बोहरा र प्रेमसिह शाहु चयन भएका छन् । व्यास गाउँपालिकाको गाउँकमिटीबाट मंगलसिह धामी, निर्मला धामी, नारददत्त भट्ट, राजेन्द्रसिंह कुँवर र पुजा भट्ट गरि पाँच जना प्रतिनिधि चयन गरिएको छ ।
नेकपा एमाले नौगाड गाउँपालिका स्तरीय कमिटीले सर्वसम्मत पाँच जना प्रतिनिधि चयन गरेको छ । पुरुषतर्फ नरेन्द्रसिह ठगुन्ना, ठगेन्द्रसिह जुहारी र पानसिंह धामी सर्वसम्मत चयन भएका छन् भने महिलातर्फ गीता ठगुन्ना र रुपा टमटा चयन गरिएको बताइएको छ ।
दार्चुलाको अपीहिमाल गाउँपालिका, मार्मा गाउँपालिका तथा शैल्यशिखर नगरपालिकामा प्रतिनिधि छनोट गरिएको छ । एमाले दार्चुलाको आठौं जिल्ला अधिवेशन २४ पुसमा सदरमुकाम खलंगामा हुँदैछ ।
