‘पेट्रोलियम पदार्थको मूल्य बृद्धि फिर्ता हुँदैन’ निगम प्रवक्ता उपाध्याय

विशेष

गृहपृष्ठ
विशेष
‘पेट्रोलियम पदार्थको मूल्य बृद्धि फिर्ता हुँदैन’ निगम प्रवक्ता उपाध्याय

‘पेट्रोलियम पदार्थको मूल्य बृद्धि फिर्ता हुँदैन’ निगम प्रवक्ता उपाध्याय

निगम सरकारको स्वामित्वमा भएको संस्था भएका कारण यहाँ हुने सबै आर्थिक गतिविधि, कारोबारहरु निर्देशित सिद्धान्तभित्र रहेर नै भइरहेको र कर्मचारीहरुले त्यही नीति नियम, कानुनभित्र रहेर काम गरिरहेको उनले बताए ।

आइतबार, कात्तिक २८, २०७८ क्यापिटल दैनिक

काठमाडौं । नेपाल आयल निगमका प्रवक्ता बिनित उपाध्यायले पेट्रोलियम पदार्थको मूल्य फिर्ता नहुने बताएका छन् ।

क्यापिटल एफएमको नियमित कार्यक्रम क्यापिटल फ्रन्टलाइनसँग कुरा गर्दै प्रवक्ता उपाध्यायले पछिल्लो डेढ महिनाको अवधिमा निगमले प्राप्त गर्ने मूल्य सूची एकाएक बढेर आउँदा निगम मूल्य बढाउन बाध्य भएको बताएका छन् ।

सामान्यता पहिला २/३ रुपैयाँ बढेर आउने घटेपनि त्यही अनुसारले घट्ने गरेको भएपनि पछिल्लो समय अन्तर्राष्ट्रिय बजारमा नै पेट्रोलियम पदार्थको मूल्य ७/७ रुपैयाँसम्म बढेर आएको उनले बताएका छन् । उपाध्यायले भने, ‘निगमले प्राप्त गर्ने मूल्य सूची अनुसार समायोजन गर्न नसक्दा १५ दिनमा मात्रै ३ अर्ब २ करोड रुपैयाँ घाटा बेहोर्नु परेकाले निगमले बाध्य भएर मूल्य बढाउनु हो ।’

प्रवक्ता उपाध्यायले आयल निगमभित्र कुनै किसिमको अनियमितता नरहेको दाबी पनि गरेका छन् । निगम सरकारको स्वामित्वमा भएको संस्था भएका कारण यहाँ हुने सबै आर्थिक गतिविधि, कारोबारहरु निर्देशित सिद्धान्तभित्र रहेर नै भइरहेको र कर्मचारीहरुले त्यही नीति नियम, कानुनभित्र रहेर काम गरिरहेको उनले बताए ।

उनले नेपाल आयल निगमको कर्मचारीहरुले घाटा भएको बेला पनि बोनस खान्छन् भन्ने कुरामा कुनै पनि सत्यता नरहेको बताएका छन् । पछिल्लो पाँच वर्षमा निगमको कुनै हिसाब किताब छैन पूरै लथालिङ्ग छ भन्ने कुरामा पनि सत्यता नरहेको बताउँदै प्रवक्ता उपाध्यायले भने, ‘हाम्रो एकदमै समयमै लेखापरीक्षण भइरहेको छ । मलाई जहाँसम्म लाग्छ २०७७/०७८ को जुन लेखा परीक्षणको रिपोर्ट छ, त्यो निगमको साधारण सभामा पेश हुन्छ । र, त्यहाँबाट पारित हुन्छ ।’

उनले नेपाल सरकारले निगमलाई अनुदान दिने गरेको भन्ने कुरा पनि लगत भएको बताएका छन् । बिगतका केही वर्षमा निगम अत्याधिक घाटामा जाँदा सरकारले विभिन्न सार्वजनिक संस्थानको जग्गाहरु कर्मचारी संचयकोष, नागरिक लगानी कोष, नेपाल बैंक, राष्ट्र बैंक त्यस्ता संस्थाहरुमा राखेर ऋण उपलब्ध गराइ दिएको र त्यो ऋणबाट निगमले पेट्रोलयम पदार्थ खरिद गरेर बिक्री वितरणको व्यवस्था मिलाइएको बताए । तर, पछिल्लो समय २०७१/०७२ साल लागि सकेपछि निगमले पुराना ऋणहरु तिर्दै गएर मुनाफामा जाँदै गयो र फेरि कोभिडको संक्रमण फैलिए पछि अन्तर्राष्ट्रिय बजारमा एकाएक मूख्य घट्दा निगमले प्रति लिटन १० रुपैयाँसम्म पनि मूल्य घटाएको उनले बताए । तर, फेरि पछिल्लो समय पेट्रोलियम पद्धार्थको मूल्य अन्तर्राष्ट्रिय बजारमा नै निरन्तर उकालो लाग्दै जादाँ निगमले बाध्य भएर मूल्य बृद्धि गर्नु परेको उनले बताए ।

प्रकाशित मिति: आइतबार, कात्तिक २८, २०७८ १०:५२