नेपालीहरुको राष्ट्रिय रोगको रुपमा परिचित ग्याष्टिक अर्थात ग्यासट्राइटिसले नेपालका अधिकाशं ब्यक्तिहरुलाई सताइरहेको छ । सामान्य खालको ग्यासट्राइटिसलाई हामीले खानपानमा सुधार गर्यो भने यो समस्या निर्मुल पार्न सकिन्छ यदी हेलक्राइ गर्यो भने क्यान्सर जस्तो भयानक रोगको सिकार बन्नुपर्ने हुन्छ । प्रस्तुत छ क्यापिटल दैनिकले डा.शुसिला बैध्य संग गरेको कुराकानीको सम्पादित अंश ।
ग्याष्टिक रोग भनेको के हो ?
मेडिकल भाषामा ग्यास्ट्राइटिस भनेर चिनिने यो रोगलाई साधारण बोलीचालीको भाषामा ग्याष्टिक वा ग्याष्ट्रिक भनिन्छ। यो रोगमा पेटको माथिल्लो भाग पोल्ने, दुख्ने, वान्ता होला जस्तो हुने, खाना अरुची हुने, पेट ढुस्स फुलेको, भरिएको जस्तो लाग्ने हुन्छ । धेरै बढेको बेलामा खप्नै नसक्ने गरेर पेट दुख्ने, कालो दिसा हुने र कहिलेकाही पेट अर्थात आमाशयमा प्वाल परी त्यसको खराब असरले गर्दा ज्यानै जाने पनि हुन्छ ।
कसरी हुन्छ ग्याष्टिक रोग ?
हामीले खाएको खाना पचाउनका लागि शरीरभित्र विभिन्न प्रकारका पाचन रसहरुका साथसाथै हाइड्रोक्लोरिक एसिड भनिने एक खालको कडा अम्ल पनि हुन्छ । यो अम्लको उत्पादन हाम्रो आमाशयभित्र हुन्छ र यसको काम खाना पचाउनलाई सहयोग गर्नुका साथै आमाशय भित्रका किटाणुहरुलाई मार्ने काम पनि गर्छ ।
कडा अम्ल हाम्रो आमाशय भित्र हुँदा पनि आमाशयलाई किन केही असर नपरेको होला भद्दने प्रश्न उठ्छ किनभने आमाशयलाई यो अम्लबाट बचाउनका लागि हाम्रो शरीरमा विभिन्न प्रकियाहरु हुन्छन् । जस्तै आमाशयका भित्री सतहका कोषहरुले बाक्लो जेली जस्तो अर्धतरल पदार्थ म्युकस निकालिरहेको हुन्छ जसले उक्त अम्लबाट आमाशयलाई बचाउने काम गरिरहेको हुन्छ ।
त्यस्तै उक्त अम्लको असरलाई कम गर्नको लागि बाइकारबोनेट एक प्रकारको क्षार पनि उत्पादन भइरहेको हुन्छ । यी ग्यास्ट्राइटिस गराउन सक्ने र त्यसबाट बचाउने प्रकियाहरुको सन्तुलनमा गडबडीका कारण तपाईहामीलाई ग्याष्टिक वा ग्यास्ट्राइटिस रोग लाग्छ।
यसका कारणहरुमा हेलिकोब्याक्टर पाइलोरी भन्ने किटाणुको संक्रमण अग्रपंक्तिमा पर्छ। नेपाल जस्ता अविकसित देशहरुमा ८०५ भन्दा बढि मानिसहरुमा यो किटाणुको संक्रम ण भएको अध्ययनहरुमा देखिएको छ । त्यस्तै धुम्रपानको कारणले पनि यो रोग हुने सम्भावना बढ्न जान्छ । जस्तै ब्रुफेन निम्स आदि दुखाइ कम गर्ने औषधीहरुको अत्यधिक सेवनले पनि यो समस्या हुनेगर्छ ।
यो रोगको पहिचानका लागि के के जाँचहरु गर्न सकिन्छ ?
साधारणतया यो रोग विरामीको समस्या सुनेर शरिरको जाँच गरेर नै पत्ता लगाउने गरिन्छ, यो तरिकालाई क्लिनिकल डायगनोसिस भनिन्छ । माथि भनिएका लक्षणहरु पेट पोल्ने, छाति पोल्ने, पेट फुलेको जस्तो हुने, खाना अरुची हुने आदी छन् र शरिर जाँचमा अरु खराबी देखिएनन् भने ग्याष्ट्रिक वा ग्यास्ट्राइटिस रोग भनी भन्ने गरिन्छ ।
तर कहिलेकाही अरु रोगहरुसंग झुक्किने हुँदा र यो रोगको अरु जटिल अवस्थाहरु भइसकेका छन् की छैनन् भनी थाहा पाउनका लागि केही जाँचहरु गर्ने गरिन्छ। जस्तै( यो रोगमा कहिलेकाहीं छाति पोल्नुका साथै दुख्ने पनि हुन्छ र मुटुका रोगहरुसँग झुक्किने हुन्छ। त्यसैले त्यस्तो बेला मुटुको रोग हो होइन भनि छुट्याउनका लागि मुटु सम्बन्धि जाँचहरु इसिजी, मुटुका इन्जाइमहरुको मात्रा आदि गर्नुपर्ने हुन्छ ।
त्यस्तै कहिलेकाहीं पेटका अन्य रोगहरु जस्तै प्यान्क्रियाटाइटिसर प्यान्क्रियाजर को इन्फ्लामेसन, एपेन्डिसाइटिसर एपेन्डिक्सरको इन्फ्लामेसन, कोलेसिस्टाइटिसर पित्तथैलीको इन्फ्लामेसन आदि रोगहरुसंग झुक्किने हुन्छ । त्यसैले ती रोगहरुबाट छुट्याउनका लागि रगतका विभिन्न जाँचहरु, पेटको भिडियो एक्स रे आदि गर्नुपर्ने हुन्छ। साथै कुनैकुनै अवस्थामा ग्याष्ट्रिकर ग्यास्ट्राइटिस रोगमा हुनसक्ने जटिल अवस्थाहरु जस्तै ग्याष्ट्रिक अल्सर आमाशयको भित्री भागको सतह खिइएर घाउ हुनु, ड्युडेनल अल्सर सानो आन्द्राको अल्सर, आमाशय वा आन्द्रामा प्वाल पर्ने आदि भए नभएको थाहा पाउनको लागि अप्पर इन्डोस्कोपी र मुखबाट पाइप छिराएर पेटमा घाउ भएनभएको हेर्ने जाँच गर्ने, पेटको एक्स रे गर्ने आदि गर्नुपर्ने हुन्छ ।
त्यस्तै हेलिकोब्याक्टर पाइलोरीर किटाणुले गर्दा भएको हो की भन्ने शंका लागेमा त्यस सम्बन्धि जाँचहरु पनि गर्न सकिन्छ । यसका जाँचहरु नेपालका सबै अस्पतालहरुमा उपलब्ध नहुन सक्छन् । यी सबै जाँचहरु र आफूलाई गर्न लागिएका जाँचहरुका बारेमा आफ्नो चिकित्स कसँग राम्ररी छलफल गर्नुपर्छ ।
यो रोगबाट बच्न के गर्ने ?
साधारणतया ठिक समयमा खाना खाने, पेट खालि नराख्ने, चिल्लो, पिरो अमिलो धेरै नखाने, पानी प्रशस्त मात्रामा पिउने आदि गर्नाले यो रोगबाट बच्न सकिन्छ । रक्सी चुरोटको सेवन कम गर्ने, मानसिक चिन्ता कम लिने गर्नाले पनि यो समस्याबाट बच्न सकिन्छ। साथै दुखाइ कम गर्ने औषधीहरुको अनावश्यक र अत्यधिक सेवन गर्नुहुदैन । र रोगको शंका लागेमा तुरुन्त डाक्टरलाई देखाइ औषधी सेवन गर्ने रोकथामका उपायहरु अपनाउने गर्नाले यसका जटिल अवस्थाहरुबाट बच्न सकिन्छ ।
यसको उपचार के हो ?
घरेलु उपचारहरु जस्तै चिल्लो, पिरो, अमिलो कम खाने, पानी प्रशस्त मात्रामा पिउने, धेरै बेर खाली पेट नबस्ने आदि गर्नाले पनि यो रोगबाट धेरै छुटकारा मिल्छ। ग्याष्टिकको समस्या धेरै नै छ र घरेलु उपचारले मात्रै ठिक भएन भने चिकित्सकको सल्लाह लिनु जरुरी हुन्छ ।
यो रोगका लागि चिकित्सकले प्रायः प्रयोग गर्ने औषधीहरुमा एन्टासिड आमाशय भित्रको अम्लको असर कम गर्नका लागि, रेनिटिडिन जुन एसिलक, आर टिन आदि नाममा पाइन्छ र प्रोटोन पम्प इन्हिबिटर प्राजोल समुहका औषधीहरु जस्तै ओमेप्राजोल , प्यान्टोप्राजोल, एस्मोप्राजोल आदि, जुन प्यान्टोप, आदि विभिन्न व्यापारिक नामहरुमा पाइन्छन् ।
साथै हेलिकोब्याक्टर पाइलोरी किटाणुको संक्रमणले गर्दा यो समस्या भएको हो भने ट्रिपल थेरापी भनिने उपचार पद्धति शुरु गरिन्छ, जसमा प्रायः क्लारिथ्रोमाइसिनर, एमोक्सीसिलिनर र ओमेप्राजोलर गरी ३ औषधीहरु ७ दिनको लागि प्रयोग गरिन्छ ।
यी औषधीहरु हामीमध्ये धेरैजसोले साधारण ग्याष्टिकको औषधी त हो नि भनि चिकित्सकको सल्लाह विना प्रयोग गर्ने गर्छौं तर यिनका खराब असरहरु पनि हुन्छन् र चिकित्सकको सल्लाह विना यिनको प्रयोग गर्नु हानिकारक हुनसक्छ ।
अझ अरु रोगको औषधी पनि खाइरहनु भएको छ भने ती औषधीहरुसंग यसले प्रतिकया गर्नसक्छ । त्यसैले यस्ता औषधीहरुको प्रयोग गर्नु अघि चिकित्सकसंग सल्लाह लिनु उचित हुन्छ ।
