काठमाडौं । काठमाडौं उपत्यकामा जारी निषेधाज्ञा भदौ मसान्तसम्म थपिएको छ । निषेधाज्ञाबारे निर्णय गर्न आज बसेको उपत्यकाका तीनै जिल्ला (काठमाडौं, ललितपुर तथा भक्तपुरका) का सीडीओहरुको बैठकले निषेधाज्ञा थप गर्ने निर्णय गरेको हो ।
थपिएको निषेधाज्ञामा सबै प्रकारका सभा, सम्मेलन, पार्टी प्यालेस, सिनेमा हल, डान्सबार, दोहोरी, नाचघर, क्लब, स्वीमिङ पुल, मनोरञ्जन स्थल, संग्रहालय, रंगशालामा हुने दर्शकसहितको खेलकुद र मानिसहरुको भिडभाड हुने अन्य कार्यक्रम सञ्चालन गर्न/ गराउन नपाउने जनाइएको छ ।
यस्तै, चोक÷खुला स्थानमा मानिसहरु भेला जम्मा हुन, भीडभाड गर्न, सभा जुलुस, जात्रा, महोत्सव, भोज भतेर आदि गर्न÷ गराउन नपाउने पनि जनाइएको छ ।
निषेधाज्ञामा पूजारीबाट हुने नित्य पूजाबाहेकका अन्य धार्मिक तथा सांस्कृतिक गतिविधिहरु सञ्चालन गर्न पाइने छैन। यस्तै, शैक्षिक संस्थाहरु (विद्यालय, कलेज, ट्यूसन सेन्टर, कोचिङ्ग सेन्टर, तालिम केन्द्र) ले भौतिक उपस्थितिमा पठन पाठन गर्न गराउन पाइने छैन ।
-1736686680.jpeg)
-1736686680.jpeg)
